eibda3mag

كل شئ عن اســـــرة ابداع


    الالتراس حلم جميل حلمناه من سنين لحد متولد و كبر ادامنا

    شاطر
    avatar
    Donkamello

    عدد المساهمات : 202
    تاريخ التسجيل : 20/04/2009
    العمر : 28

    الالتراس حلم جميل حلمناه من سنين لحد متولد و كبر ادامنا

    مُساهمة من طرف Donkamello في الجمعة أبريل 24, 2009 4:11 pm

    حلمناه فى الاول فى رابطة محبى الزمالك و نجحنا فى نقاط كتير لكن للاسف حصل خروج عن النص كتير

    بداء حلم تجديد الفكر و عملنا التراس الوايت نايتس و مش هنسى لما كنا لسة اتنين بنبداء الحلم و نفكر فية ازاى هيتنفذ خطوة بخطوة و ابتديناه كتحدى مع نفسنا و الحمد لله الحلم اتحقق و بقى حقيقة بدل اتنين بقينا عشرات بل مئاتدلوقتى بقى مش هقول غير نقطة و من اول السطر

    شايف فكر مشوش و عقليات مبقتش فاهمة مغزى كلمة التراس

    شايف ناس بقى عندها الشغب غاية و العنف مفخرة و تشجيع الزمالك ييجى فى اخر الالويات

    بقولها بصوت عالى للكلالزمالك غايتنا و مفيش غيرة و الالتراس هو جروب فقط كوسيلة لتشجيع و مساندةالزمالك

    و الوسيلة دى لو اتحولت لاذية فهنكون اول ناس نحاربها حتى لو كانت ابننا اللى اتولد على ايدينا

    اللى تفكيرك بقى كلة عنف و تكسير و خناق اسال نفسك شجعتالزمالك كام مرة؟؟؟
    اسال نفسك انت مجهودك كمشجع فين؟؟

    المشاكل متواجدة و كلنا بنتعرض ليها و كلنا اتخانقنا بس لما يكون دفاع عن النفس لما يكون موقف اتحطيت فية
    لكن انزل من بيتى عشان كل تفكيرى انى اتخانق

    يبقى انت لامؤاخذة كدا عيل اهبل و ميشرفناش انك تبقى وسطنا

    لاننا مش عايزين بلطجية احنا عايزين حناجر عايزين صوت عايزين مؤازرة عايزين الكورفا السود تتملى بشر و تترج

    الزمالك الفترة الجاية مش عايز ناس تتخانق او بلطجة من الغير

    عايز مساندة

    لو حد جة اتخانق ماشى نتخانق
    لو حد جة يضربنا اضربة دافع عن نفسك
    لكن تنزل من بيتك و مرتب اولوياتك خناق و بعديها تكسر و بعديها معرفش اية خمسين حاجة و فى الزمالك لو عندك وقت هبقى اشجع الزمالك
    انت كدا تبقى مشجع واقع و مش مشجع اصلا
    كلامى دا للعلم اتناقشنا فية كقيادات فى الجروب و لقينا ان اللى بيحصل دا بياذينا مش بيفدنا

    و الموضوع لما بيزيد عن حدة بينقلب ضدة

    و بقولها من دلوقتى لازم ننضف نفسنا و لازم ننضف فكرنا

    و من دلوقتى هيكون فية فلترة للناس و مش هيكون مسموح لاى حركات عشوائية تانيةاحنا مش بنضيع مجهودنا و صحتنا و فلوسنا على حاجة تضر فريقنا .. مش هقول تضرنا و تاثر على سمعة ناس و تدخل ناس الحجز
    لا هقول تضر نادينا نفسة

    خلاص فريقنا مبقاش لية جمهور لية صوت بقى لية جمهور فكرة مشوش مبقاش عارف هو التراس ولا هوليجانز
    كلمة اخيرة
    اللى شايف نفسة هوليجانز فيا ريت يجمعو نفسهم فى جروب جديد و يسمو نفسهم اى شئ تانى الا التراس الوايت نايتس

      الوقت/التاريخ الآن هو الأحد يونيو 24, 2018 6:21 am